الكورس مجاني غير هادف للربح. الهدف منه المساهمة في إثراء المحتوى العربي العلمي على الإنترنت.
الكورس مدته حوالي ٤ ساعات مكون من ٣ sections فيهم ٢٠ فيديو.
متوسط مدة الفيديو الواحد ١١ دقيقة و نص.
الكورس فيه حوالي ١٠ أمثلة بنشتغلها مع بعض علشان نشوف أمثلة تطبيقية للحاجات البنتعلمها.
أغلب الأمثلة من كتب تعليمية متخصصة مجانية علشان لو حد حابب أنه يرجع لأي نقطة أتشرحت و يقرا عنها أكتر
فيه كمان Presentations بنستخدمها في شرح أي موضوع جديد محتاجين نفهمه للبرنامج.
كل الـ Presentations و الـ Exercise Files البستخدمها في الكورس موجودة في صفحة الكورس
أول section في عبارة عن ٨ فيديوهات بيغطوا أساسيات البرنامج. زي واجهة الـ Grasshopper
و الفرق بين الـ Parameters و الـ components و ال Data Types المختلفة و شرح للـ Vectors و ال Planes
مع أمثلة متنوعة لأنواع ال components المختلفة
تاني Section مخصص لشرح واحد من أهم المواضيع في الجراسهوبر و هو ال Data Structure
بنكلم فيه عن الـ Lists و الـ Data Trees و الفرق مبينهم و أزاي الواحد يتعامل معاهم و يغير فيهم علشان يطلع النتايج الهو عايزها
في أخر ال Section بنشرح بردو أزاي نقدر نعمل Scripts نضيفة سهل قرايتها بالنسبة لأى حد و فيها أقل عدد من ال Components ممكن
في الـ Section التالت و الأخير بنعمل أمثلة مشاريع صغيرة متخصصة أكتر نطبق بها الحاجات الأتعملنها في أول 2 Sections
بعدها بنتعلم Animation Techniques نستخدمها علشان نعمل بيها فيديوهات نظهر بيها مشاريعنا و أفكارنا بإستخدام ال Grasshopper
في النهاية أتمنى أن الكورس يعجبلكم و يبقى مفيد ليكم.