Talumpati

Ang Modyul na ito, “Ang kursong ito ay sumasaklaw sa pag-aaral ng pangkasaysayang pag-unlad ng sanaysay na kaagapay ang pagsulat ng mga kontemporaryong anyo nito, pati na ang pagsasanay sa pagsulat at pagbigkas ng talumpati. Dito maipakikita ang kaalaman sa pag-aaral at pagpapahalaga ng mga pangkasaysayang pag-unlad ng sanaysay at talumpati na kaagapay ang pagsulat ng mga kontemporaryong anyo nito. maipamamalas din ang kaalaman sa pagtalumpati na ang sa pagsasanay sa pagsulat ng sanaysay at pagbigkas ng talumpati; maipamamalas din ang kaalaman sa pagtukoy sa pag-aaral ng kontemporaryong dulog at metodo sa pagtuturo ng iba’t ibang anyo ng panitikan upang makabuo ng angkop na pamamaraan sa pagtataya ng mga kaalaman at kasanayang natamo.

Maraming batayang kaalamang nararapatna pag-aralan ang pangkasaysayan at pag-unlad ng sanaysay sa kontemporaryong anyo nito gayon na din ang pagsulat at pagbigkas ng talumpati.

Layunin din ng pag-aaral na ihanda ang mga mag-aaral na nagpapakadalubhasa sa Filipino na maging mulat at maalam sa mga bagong kalakaran sa pagtuturo at pagkatuto ng Filipino at mahasa ang kaalaman sa pagsasalita at pagtatalumpati. Isinama rin sa kurso ang pagtalakay sa mga kahalagahan ng kagamitang panturo na maaaring magamit nila at maiangkop ang mga ito sa tiyak na paksa.

Sa misyon at bisyon ng ISPSC, sinikap na iangkop ang kabuuan ng kurso upang maihanda ang mga mag-aaral na nagpapakadalubhasa sa Filipino na maging kapaki-pakinabang na may dekalidad na pagtuturo , teknolohiyang pangkapaligiran at industriya, tamang paggamit ng pinagkukunang yaman at mga programa at serbisyong makabagbago sa kabuhayan na isang mapag-arugang politeknikong serbisyo-kolehiyo para sa pagpapaunlad ng buhay at lipunan.